Viaxe os 8o. Campeons!

Anuncios

A visita de Abel Caballero

Estivo este martes 28 o alcalde Abel Cabalero no local da asociación de veciños de Navia. Nós tiñamos algunhas preguntas que plantexar, enviadas polos veciños e veciñas de Navia, que confiaron en nós para ser quen de presentalas ó mandatario local.

  • Qué foi das bibliotecas de proximidade prometidas no seu momento?
  • Vaise colocar no parque mobiliario de barra semellante ó que está en Castrelos para aqueles veciños e veciñas que fan deporte?
  • Posto que a saída peonil cara Coia e Florida é imposible, qué hai de habilitar unha senda peonil cara o Lagares?
  • Vaise poñer mobiliario tipo mesas e asentos no parque para facelo máis habitable?

Estas e outras foron algunhas das preguntas que nos enviáchedes para presentar ó alcalde. Por suposto, nós tiñamos outras tantas:

  • Vanse colocar marquesinas de autobús nun lugar tan necesario como preto de Apamp, a escola e o centro de saúde ou van seguir sendo postas onde xa existen cubertas dos edificios na rúa Teixugueiras?
  • Van abrir dunha vez a pista multiusos ou vai seguir pechada despois da súa inauguración tan publicitada?
  • Vanse colocar bolardos nas rotondas para evitar que os coches aparquen enriba das beirarrúas?
  • Van habilitar espacios de ocio onde poder practicar deporte non federado ou teremos que seguir contando coa Deputación como único interesado para realizar estas actuacións?

Como vedes as nosas intencións eran bastante inocentes, posto que estas preguntas e outras iniciativas son desas que saen baratas e son moi agradecidas pola veciñanza. Pero non houbo sorte desta vez.

Ó contrario que outros grupos que viñeron ó barrio a falar con nós, Abel Caballero veu, explicounos o nacemento, desenvolvemento e necesidades do barrio, comprometeuse a realizar algunhas melloras que el considerou necesarias, e aquelas que prometera e ainda non cumpliu, botoulle a culpa a non ter maioría absoluta e non poder facer o que el consideraba axeitado para nós. Polo menos podemos agradecerlle que non tomara nota do pouco que puidemos falar para botalo despois ó lixo. Ante todo foi sincero cos veciños e veciñas. Sabe o que necesitamos e nolo vai dar sempre que saque maioría absoluta. O recado quedou dado. E, posto que nós puidemos darlle o voso, polo menos vos damos o de el.

Sorpresas na listas

Non seremos nós os que comentemos que Chema Figueroa leve máis de trinta anos na Corporación municipal dos que máis de duas terceiras partes foron na oposición, ou que sendo o presidente local non vaia máis que no terceiro posto da listas electorais por detrás doutros cargos menores do partido local. Cousas haberá en todas as listas que comentar.

O que non podemos deixar pasar é o feito de que o Partido Popular leve nas súas listas ó responsable de que as seguintes ampliacións do barrio conten cunha ampiación de vivendas e non dos servicios correspondentes.

E é que no posto nove da lista presentada recentemente contamos con Rodrigo Portanet, que presume no seu currículum da ampliación de 1.400 vivendas no noso barrio. Deben saber os veciños que esta ampliación supón, entre outras cousas, a construcción de duas torres de doce alturas frente os edificios de Rabo de Galo (á altura do colexio de Amor de Dios) e, por suposto, non inclúe a ampliación de servizos como escolas, institutos, parques, zonas verdes ou traer a outro médico ó centro de saúde.

Ademáis, esta ampliación xa foi rexeitada polos veciños coa presentación dun escrito o pasado mes de marzo no edificio da Xunta de Galicia. Ós políticos encántalles dicir o moito que fan polos veciños e veciñas, como se pagaran eles do seu peto as infraestruturas mímimas ás que temos dereito. Pero parece ser que lles custa un pouco máis, xa non escoitarnos ou facernos caso, senon simplemente sentar nunha mesa e escoitar o que dicimos ademáis de asentir coa cabeza.

Peor que isto so pode ser presumir de ter o título de graduado escolar ou presentar a María José Bravo. De estas dúas so fan unha, polo menos.

As marquesinas do barrio

En diversas reunións insitiuise ó Concello pola colocación dunha marquesina nas paradas de autobús da parte alta do barrio, concretamente na zona onde están Alento, a escola de educación primaria e o centro de saúde. Nada máis lóxico, pensamos nós.

Pois non, está visto que no Concello prefieren poñer a marquesina nunha zona do barrio onde xa existen cubertas dos mesmos edificios e onde os veciños e veciñas poden esperar sen mollarse o autobús. Supoñemos que isto será o que consideran aproveitar os recursos existentes do barrio: deixar á interperie ós usuarios e usuarias de Alento (persoas con cadeiras de rodas), do centro de saúde (persoas maiores e doentes) e da escola (nenos e nenas). E duplicar as utilidades do mobiliario urbán e que tantos cartos costan e que saen dos petos dos sufridos contribuíntes.

Esperemos que o día que poidan inaugurar a escola infantil da que tanto fachendean, e que saia no Faro de Vigo as queixas das nais e pais que teñan que esperar o autobús baixo a choiva pensen un pouco na súa incompetencia. Pola nosa conta, xa que non dispoñemos do Faro, polo menos presentamos o noso rexentamento ás actuacións torpes e mal deseñadas dende este blog.

CDBElNIWEAAy8H7

Inauguración das pistas deportivas

Mañán sábado serán inauguradas as pistas deportivas do barrio. Consisten nun campo de fútbol, que será xestionado polo Instituto Municipal dos Deportes, e está previsto para amplialas horas do clubes deportivos que xa utilizan as actuais instalacións.

A maiores será inaugurada unha pequena pista multiusos de uso totalmente público e gratuito e que, polo momento, será a única á que poderemos acceder os veciños e veciñas de Navia sen mediación de ningunha institución xestora.

Animamos a todos os veciños e veciñas a que asistan á inauguración de mañán sábado á 11:30 e que tomemos posesión desta pista o antes posible, antes que as necesidade de formación dos clubes dos barrios de Vigo abarquen tamén este espacio gratuito e aberto. Acudide con pelotas, aros, patíns, e balóns e difrutemos os veciños e veciñas de Navia dun sábado mañairo e deportivo.

Taller de arte urban no Pau de Navia o 15 de marzo

O próximo 15 de marzo celebrase un taller de arte urban en Navia dentro da iniciativa Vigo cidade de cor, promovida polo Concello de Vigo. Este programa desenrolarase en distintos barrios da cidade, é a Concejala Carmela Silva nos fixo chegar o interese persoal de que se celebrase un deles no noso barrio. Dende a Asociación Novo Vigo agradecemos todas as iniciativas que se promuevan para dinamizar o noso barrio.

O taller terá lugar na rúa Teixugueiras a altura do número 30 e comenzará as 11.30 horas. Este evento esta pensado para nenos e nenas é público en xeral.

Dese a Asociación Veciñal Novo Vigo os animos a participar, xa que contaremos cun maestro de excepción, o magnífico e recoñecido pintor Mingos Teixeira. Este artista vigués expuso a súas obras nas salas más importantes a nivel nacional e internacional en cidades como Madrid, Stuttgart, Ravenna, New York, Lisboa,..

MG_9743

Mingos Teixeira sempre estivo  obsesionado pola cor e a composición que trata de aportar, dende plantexamentos investigadores e existencialistas, novos camiños expresivos e comunicativos do arte.

É tamén coñecido polo seu afán de achegar o mundo do arte os mozos mediante publicacions, artículos, conferencias, programas educativos e culturais, etc., actividade que o levou a foros internacionais da educación artística como o 4th International Congress of Educating Cities en Chicago, como creador e coordinador do Programa Educativo Escola e Arte.

É todo un luxo contar en Navia cun artista da sua talla e telo como mestre durante unhas horas, de seguro que para os cativos e mozos do barrio será unha experiencia inolvidable.

274081069_640

TALLER DE ARTE URBÁN A CARGO DO ARTÍSTA MINGOS TEIXEIRA.

DÍA: 15 De Marzo

Hora: 11.30

LUGAR: A ALTURA DO NÚMERO 30 DA RÚA TEIXUGUEIRAS.